Tveir skotskir ferðamenn vórðu í gjár funnir deyðir í Hardangervidda í Noregi. Teir vóru deyðir í kulda. Ein triði maður var sera kaldur, tá bjargingarmenn komu fram á hann, men hann slapp við lívinum.
Norsku myndugleikarnir siga, at tað var heilt av tilvild, at eitt bjargingarlið hjá Reyða Krossi kom fram á teir tríggjar menninar og bjargaði tí eina.
Sagt verður, at teir tríggir skotsku ferðamenninir vóru ikki útgjørdir til eina ferð í teimum norsku fjøllunum.
