Sambandslistin í Klaksvík hevur nú kunngjørt listan til býráðsvalið í november, og har skarar í hvussu er eitt navn fram úr.
Serbin Alexander Djordjevic stillar upp eftir at hava búð í Klaksvík í umleið 10 ár.
Annars sær listin soleiðis út:
Maria Olsen, farmakonom
Kristian Joensen, lesandi
Jákup Skoradal, bóndi
Katrina Gullaksen, lesandi
Alexander Djordjevic, arbeiðsmaður
Anskar Hansen, málarameistari
Karl Olgar Joensen, navigatør
Símun Michael Sørensen, bókhaldari
Sum stevnumið hevur Sambandsflokkurin í Klaksvík hesi mál:
Íbúðir til lesandi
Økja um talið á eldraíbúðum
Nýggjan skúla á Ziskatrøð
Útbyggja Norðhavnina
Útbyggja Svimjihøllina
Betra um umstøðurnar hjá ferðavinnuni á útoyggj og styrkja um ymiskleikan.
- Fólkasamansetingin í landinum broytist. Vit verða fleiri eldri og færri ung. Hetta er ein óheppin gongd, sum ikki kann halda fram. Tí fegnasst vit um tey, sum eru flutt uttan úr heimi til okkara kommunu. Vit eiga at taka hond um hesi og hjálpa teimum til rættis her hjá okkum. Vit síggja styrki í ymiskleika og einum fjøltáttaðum samfelag, sigur Sambandsflokkurin í Klaksvík.
