Thomas Müller og Mats Hummels fingu at vita í 2019 frá týska landsliðsvenjaranum, Joachim Löw, at teir høvdu spælt sín seinasta landsdyst.
Men nú hava partarnir funnið hvønn annan aftur, og tá Joachim Löw kunngjørdi týska EM-hópin á tíðindafundi í dag vóru Thomas Müller og Mats Hummels millum teir kosnu.
31 ára gamli Thomas Müller hevur áður spælt 100 landsdystir og hevur skorað 38 mál í hesum 100 landsdystunum.
32 ára gamli Mats Hummels hevur áður spælt 70 landsdystir og hevur skorað fimm mál í hesum 70 landsdystunum.
Týski EM-hópurin sær soleiðis út:
Málverjar: Manuel Neuer (Bayern München), Bernd Leno (Arsenal), Kevin Trapp (Eintracht Frankfurt).
Verjuspælarar: Matthias Ginter (Borussia Mönchengladbach), Robin Gosens (Atalanta), Christian Günter (Freiburg), Marcel Halstenberg (RB Leipzig), Mats Hummels (Borussia Dortmund), Lukas Klostermann (RB Leipzig), Robin Koch (Leeds), Antonio Rüdiger (Chelsea), Niklas Süle (Bayern München).
Miðvallarar og áleyparar: Emre Can (Borussia Dortmund), Serge Gnabry (Bayern München), Leon Goretzka (Bayern München), Ilkay Gündogan (Manchester City), Kai Havertz (Chelsea), Jonas Hofmann (Borussia Mönchengladbach), Joshua Kimmich (Bayern München), Toni Kroos (Real Madrid), Thomas Müller (Bayern München), Jamal Musiala (Bayern München), Florian Neuhaus (Borussia Mönchengladbach), Leroy Sane (Bayern München), Kevin Volland (Monaco), Timo Werner (Chelsea).
