Tíðindaskriv
Rógvi Nybo
rogvi@sosialurin.fo
Mikudagin 17. juni 2009 fer enski lívfrøðingurin og professarin Robert James Berry (vanliga nevndur
Sam Berry) at halda fyrilestur um oyggjalívfrøði og lívmenning klokkan 19.30 í framsýningarhølunum hjá Náttúrugripasavninum á Debesartrøð.
Sam Berry hevur nýliga givið út bókina Islands, og fyrilesturin fer millum annað at taka støði í bókini.
Høvi verður eisini at síggja smærri framsýningar við lutum úr føroysku náttúruni, ið lýsa læru Darwins.
2009 serstakt Darwin ár
Tiltakið verður skipað í sambandi við, at 2009 er lýst sum eitt serstakt Darwin ár – tað eru 200 ár
síðani Charles Darwin varð borin í heim, og 150 ár síðani bókin On the Origin of Species kom út.
Hetta verður eisini hátíðarhildið í Føroyum.
Fróðskaparfelagið, Lívfrøðingafelagið og Náttúrugripasavnið hava í felag lagt eina skrá tilrættis fyri
2009, har tey á ymiskan hátt lýsa persónin Charles Darwin, læruna um lívmenning og hvønn týdning
hansara arbeiðið eftirfylgjandi hevur havt á millum annað lívfrøði, heimspeki og bókmentir.
Læran hjá Darwin, um at tær livandi verurnar eru vorðnar til við náttúruligari útveljing gjøgnum milliónir
av árum, hevur kollvelt okkara fatan av heiminum, og hevur lært okkum at síggja okkum sjálvi sum
ein part av náttúruni.
