Seinastu seks árini hevur Danmark økt innflutningin av gassi úr Russlandi í stórum mongdum, vísa tøl frá russiska Gazprom.
Felagið Gazprom, sum russiska ríkið hevur tamarhald á, hevur seinastu fimm árini selt alsamt meira nátúrugass til Danmarkar.
Her eru tølini í millardur rúmmetrum av gassi:
* 2013: 0.3
* 2014: 0.4
* 2015: 0.7
* 2016: 1.7
* 2017: 1.8
* 2018: 1,1 milliardir rúmmetrar ársins fyrstu sjey mánaðir, sum er 11,9 porosent øking í mun til sama tíðarskeið í 2017.
Russiska nátúrgassið, sum endar í Danmark, verður sent til Týsklands og haðani víðari til Suðurjýllands gjøgnum sokallaða Ellund-Egtved-sambandið.
Danmark framleiðir tó meira nátúrgass í økjunum í Norðsjónum enn teir umleið 2,5 milliardir rúmmetrarnir, sum árliga sendast gjøgnum danska gassnetið.
Tí verður nógv størsti parturin av innflutta russiska gassinum als ikki sent út í danska gassnetið, men verður í staðin selt víðari á evropiska gassmarknin og sent víðari niður í Evropa.
Nógv tann størsti gassinnflytarin í Danmark frá Gazprom er Ørsted.
Orsøkin til, at virkið keypt alsamt meira russiskt gass, er, at Ørsted og Gazprom gjørdu eina avtalu í 2006.
Tá gjørdu tey bæði orkufeløgini ein lantíðarsáttmála, og tað er orsøkin til økta innflutnignin, sjálvt um Danmark framleiðir meira gass, enn donsku brúkararnir keypa.
Kelda: Gazprom, Energinet, Nordstream.
/ritzau/
Russiska Gazprom seldi í fjør heila 1,8 milliardi rúmmetrar av gassi til Danmarkar, sum annars sjálvt framleiðir meira gass, enn danir brúka
