Danmark er bert nummar trý í EM-undankappingarbólki H aftaná øll seks liðini hava spælt fýra dystir.
Danmark mátti í kvøld taka til takkar við javnleiki 1-1 á útivølli móti Slovenia í Ljubjana.
Tá 25 minuttir vóru leiktir legði Andraz Sporar Slovenia á odda 1-0.
Stutt undan steðginum spældi Pierre-Emile Højbjerg Rasmus Højlund leysan í brotsteiginum, og Højlund skoraði sítt sætta mál í hesari undankappingini.
Bæði liðini høvdu góðar møguleikar til at leggja seg á odda, og tað var heilt rættvíst, at tað endaði við javnleiki 1-1. Danmark er ikki komið í snúningar enn.
Í sama bólki vann Kasakstan ein flottan 1-0 sigur á Norðurírlandi á útivølli, og Finnland vann á heimavølli stórsigur 6-0 á San Marino.
7. september tekur Danmark móti San Marino, Kasakstan tekur móti Finnlandi, og Slovenia tekur móti Norðurírlandi.
| Nr. | Lið: | Dystir | V | J | T | F | Í | +/- | Stig |
|---|---|---|---|---|---|---|---|---|---|
| 1 | Finnland | 4 | 3 | 0 | 1 | 10 | 3 | +7 | 9 |
| 2 | Kasakstan | 4 | 3 | 0 | 1 | 8 | 4 | +4 | 9 |
| 3 | Danmark | 4 | 2 | 1 | 1 | 7 | 5 | +2 | 7 |
| 4 | Slovenia | 4 | 2 | 1 | 1 | 5 | 4 | +1 | 7 |
| 5 | Norðurírland | 4 | 1 | 0 | 3 | 2 | 3 | -1 | 3 |
| 6 | San Marino | 4 | 0 | 0 | 4 | 0 | 13 | -13 | 0 |
