Dánjal vann og Allan tapti

Bæði føroyingaliðini í bestu íslendsku hondbóltsdeildini vóru í leiki í kvøld.

Dánjal Ragnarsson og liðfelagarnir í ÍBV vóru á vitjan hjá Fram í Reykjavík. ÍBV vann ein greiðan 38-32 sigur.

Í fyrra hálvleiki leikaði tó javnt á, og í steðginum var ÍBV bert á odda við einum máli, 18-17.

Dánjal skoraði trý mál.

Allan Norðberg og liðfelagarnir tóku í kvøld móti gamla liðnum hjá Allani, KA á heimavølli. 

KA vann heldur óvæntað 33-29. Í steðginum var KA á odda 20-18. Allan skoraði eitt mál.

Í vikuskiftinum fara ÍBV og Valur at spæla fyrru dystirnar í triðja umfarinum í European Cup.

Leygardagin klokkan 16 spælir ÍBV útidystin móti ukrainska liðnum, Motor Zaporozhye.

Sama dag klokkan 18 spælir Valur útidystin móti eysturíkska liðnum, Krems.

Fyrsta vikuskiftið í desember spæla ÍBV og Valur heimadystirnar í European Cup. 

Støðan: