Dánjal og liðfelagarnir í ÍBV vunnu aftur

Dánjal Ragnarsson skoraði eitt mál tá lið hansara, ÍBV á heimavølli ígjár vann 26-25 á FH í bestu íslendsku hondbóltsdeildini. Í steðginum var ÍBV á odda 13-12.

Tá ein minuttur var eftir av dystinum var støðan 26-23 til ÍBV, ið gjørdi tað heldur spennandi seinastu løtuna.

ÍBV hevur fullan pott, fýra stig fyri tveir teir fyrstu dystirnar, og í báðum dystunum hevur Dánjal Ragnarsson skotið mál.

Komandi sunnudag verður føroyingauppgerð úti í Vestmannaoyggjunum millum ÍBV og liðið hjá Nicholas Satchwell, Pæturi Mikkjalssyni og Allani Norðfoss, KA.

ÍBV og KA eru fremst við fýra stigum hvør, so talan er um oddadyst í bestu íslendsku hondbóltsdeildini. 

Støðan: