6. desember. Nikolaus, deyður umleið ár 350. Hann var biskupur í Mira, sum er í Lítlaasia. Hann varð tikin av døgum sum pínsluváttur, men við grøv hansara hendu so mong undurverkini, at hann skjótt varð roknaður sum halgimenni. Navnið er upprunaliga grikskt, sett saman av orðunum nike, ið merkir sigur, og laos, ið merkir fólk.
(Axel Tórgarð: Dagar og nøvn í álmanakkanum, 2. broytta útgáva 2008)
