30. september. Hieronymus, doyði í árinum 420. Hetta er tann mikli kirkjulærarin, sum kom úr Stridon í Bosnia. Í Róm var hann skrivari hjá pávanum Damasusi fyrsta (366-384), sum setti hann at týða Bíbliuna av nýggjum. Úrslitið var tann latínska Bíbilin Vulgata, ið enn (tó eitt sindur umbøtt) verður nýtt í katólsku kirkjuni. Vugata merkir tann vanliga. Í hesi týðing hevur hann nýtt mong handrit, ið síðani eru horvin, og Vulgata er tí í mongum førum elsta verandi kelda til halgubók. Hieronymus doyði sum abbati í einum kleystri í Betlehem. (Axel Tórgarð: Dagar og nøvn í álmanakkanum, 2. broytta útgáva 2008)
Úr rúgvuni av hendingum, ið knýta seg at hesum degi, kunnu vit nevna,
1733 – Prentsmiðjan hjá Berlingske Tidende stovnað
1791 – Gandaflytan hjá Mozart verður frumframførd í Wien.
1888 –Jack the Ripper drepur Liz Stride og Kate Eddowes.
1928 – Uppfinningin av penicilinum verður almannakunngjørd av Alexander Fleming.
2005 – Jyllands-Posten prentar 12 satiriskar tekningar av profetinum hjá islam, Muhammed.
