Dagarnir eru nú ásettir, nær Stjørnan skal spæla altjóða dystirnar móti slovakiska liðnum HK Slovan Duslo. Føroyameistararnir úr Klaksvík fáa vitjan tann 12. og 14. september, og verða dystirnir leiktir í KÍ-høllini. Stjørnan skal royna at vinna sær víðari luttøku, og fyrireikingar eru so smátt byrjaðar í Klaksvík. Tað hevur ikki fyrr eydnaðst klaksvíkskvinnum at vinna seg víðari.
