Tvær tær seinastu ferðirnar hava teir verið nummar trý. Tað var væl betri, enn tað var í Sundalagnum, tá ið teir endaðu á sætta plássi.
Í dag var tað sum í sanginum hjá Hans Andreasi Djurhuus, sum sigur, at altíð rennur Karin fyrst.
Karin er gamla Fípan Fagra, og í dag vann Karin fyrsta sigurin við nýggja navninum. Harvið var Karin triði vinnarin í hesi kappingini í ár. Hinir vinnararnir hava verið Heykur og Royndin Fríða, sum í dag endaðu á ávikavíst fjórða og triðja plássi.
Drekin var næstfremstur. Karin var í miðróðrinum gott og væl leys av hinum, men í endaspurtinum gekk tað sera væl hjá bæði Drekanum og Royndini Fríðu, ið komu um málið mest sum stavn um stavn.
1 Karin 5:48.21
2 Drekin 5:50.12
3 Royndin Fríða 5:50.33
4 Heykur
5 Firvaldur
6 Tjaldrið
7 Ørnin
8 Jallurin
9 Sílið
