Allan summarsteðgin hava føroysku hondbóltsfeløgini vant hart fram móti nýggju landskappingini, og nú er tíðin komin.
Í dag verða fyrstu dystirnir hjá bæði monnum og kvinnum leiktir í Høllini á Hálsi, og tað er Neistin, ið hevur heimavøll í báðum førum.
Klokkan 16.00 er dystur millum Neistan og Stjørnuna í SMS deildini, ið er fremsta deildin hjá kvinnum.
Les eisini: Stjørnan skal fylla eitt stórt pláss
Klokkan 18.00 eru tað mansliðini hjá Neistanum og KÍF, ið bresta saman í mansdeildini, ið nú kallast Okkara deildin.
Les eisini: KÍF venjarin: Vit droyma um endaspælið
Les eisini: Neistin skal verja væl aftur í ár
Sunnudagin heldur kappingin fram við hesum dystum:
SMS deildin: VÍF - StÍF klokkan 14.00 í Vestmanna
SMS deildin: Kyndil - H71 klokkan 14.00 í Høllini á Hálsi
Okkara deildin: VÍF - StÍF klokkan 16.00 í Vestmanna
Okkara deildin: Kyndil - Team Klaksvík klokkan 16.00 í Høllini á Hálsi
