Í gjárkvøldið var fyrsta umfar í Runavík Open 2017 i talvi í Løkshøll í Runavík.
Stórmeistararnir og altjóða meistararnir og bestu føroysku telvararnir telvaðu ímóti teimum, ið hava væl lægri styrkistal, og allir favorittarnir vunnu.
Í dag klokkan 15 verður annað umfar, og tá verður mótstøðan hjá teimum bestu munandi størri, enn hon var í gjárkvøldið. Tá vera innanhýsis uppgerðir millum teir, sum í fyrsta umfari vunnu fulla úrtøku.
Merkisvert er tað, at einki talv endaði javnt í fyrsta umfari.
Tórbjørn Jacobsen, borgarstjóri í Runavíkar kommunu, sum hevur tikið stig til kappingina, bjóðaði í gjárkvøldið vælkomið.
Tvær av eldsálunum í føroyskari telving eru fyriskiparar. Finnbjørn Vang er kappingarleiðari, og Hans Hjalti Skaale er dómari.
Bestu føroysku telvarunum bíða stórar avbjóðingar seinnapartin:
FM Høgni Egilstoft Nielsen (2354) – GM Igor Khenkin (2552)
GM Vadim Malakhatko (2540) – FM Rógvi Egilstoft Nielsen (2340)
IM John Rødgaard (2332) – GM Mikhail Ulybin (2528)
Millum fleiri aðrar áhugaverdar uppgerðir eru hesar:
IM Einar Hjalti Jensson (2372) – GM Deep Sengupta (2587)
GM Oleg Korneev (2553) – Jonas Bjerre (2354)
GM Nikita Maiorov (2521) – Jon Kristinn Thorgeirsson (2319)
FM Vignir Vatnar Stefansson (2294) – GM Vladimir Hamitevici (2519)
GM Xu Yinglun (2518) – FM Filip Boe Olsen (2267)
Rasmus Thøgersen (2251) – GM Srinath Narayanan (2517)
GM Evgeny Gleizerov (2503) – FM Aksell O Karason (2249)
Kristjan Edvardsson (2191) – IM Sarin Nihal (2487)
GM Stanislav Savchenko (2479) – Sjúrður Thorsteinsson (2190)
FM Hans Kristian Simonsen (2185) – IM Yi Xu (2465)
GM Tejas Bakre (2456) – WIM Fiona Steil-Antoni (2183)
Kappingin er almenn, og tað er ókeypis atgongd.
