Cliff Richard fær 220.000 pund, ella á leið 2 milliónir krónur, í endurgjaldi frá BBC.
Orsøkin er hátturin, sum BBC valdi at senda frá eini húsarannsókn í heiminum hjá Sir Cliff. BBC var ov hugað at gera nógv burturúr, metir rætturin, og hevði tíðindini undir Breaking News.
Løgreglan gjørdi í 2014 húsarannsókn heima hjá Cliff Richard í samband við, at ein maður hevði ákært Richard fyri kynsligan ágang, ið var farin fram fyri mongum árum síðani. Richard er fríkendur í sakini. Frammanundan hevur Richard fingið 400.000 pund frá løgregluni, tí húsarannsóknin vísti seg at vera ógrundað.
Og meira peningur kann koma í lumman hjá 77 ára gamla sangaranum, tí rætturin skal nú taka støðu til, um Richard skal hava endurjald fyri møguligan inntøkumiss.
