City Church hevur í fleiri ár skipað fyri kvinnustevnu, og tað er altíð fantastiskt, siga tey í samkomuni.
Stevnan Empower ’25 byrjaði í gjárkvøldið, og tað eru kvinnur úr øllum landinum, sum eru saman í tveir dagar.
- Aftur í ár er tiltakið í Lívdini, og her hava fyrireikingar verið í gongd seinastu dagarnar.
Í City Church siga tey, at Empower '25 byrjaði við stíli í gjárkvøldið.
- Vit lovaðu Jesusi saman og gleddust saman í systurfelagsskapi!
Samkoman takkar Mariu Summers Nolsøe fyri at seta stevnuna so vakurt í gongd.
- Vit takka eisini Hjørdis Háberg Petersen og Dr. Lavanya Dua fyri sterk og uppmuntrandi orð!
##med2##
Í morgun byrjaðu tey dagin í Lívdini við morgunfimleiki og einum frískum anda, sum tey í City Church taka til.
- Síðan fingu vit ein góðan og djúpan boðskap frá Dr. Lavanya Dua, sum veruliga setti tónan fyri dagin.
Í City Church leggja tey aftrat, at tey gleða seg til alt tað, sum er eftir av skránni fyri dagin og kvøldið á Empower '25.
##med3##
