Leygardagin 6. apríl klokkan 11.30 verður matiné í Havnar kirkju við týska cellospælaranum Christina Meissner.
Christine hevur útbúgving frá Franz Liszt konservatroiinum í Weimar, har hon í fleiri ár hevur virkað sum lærari í cellospæli. Hon var við til stovna tónleikabólkin »Klangwerkstatt Weimar«, sum serliga hevur fingist við at spæla nútíðartónleik.
Í samband við hetta hevur hon arbeitt saman við fleiri týdningarmiklum tónasmiðjum. Hetta vísir seg eisini í hennara solokonsertum. Hennara innlivan í nútíðartónleik ger, at hon dugir at geva víðari hesi nýggju tónleikaverk so at tey vera spennandi og áhugaverd at lurta eftir.
Sum leiðandi tónleikari hevur hon havt sínar egnu konsertseriir í Weimar og hon hevur spælt í fleiri av teim størstu kirkjunum í Týsklandi, í Berliner Philharmonie og Gemälde Gallerie í Dresden.
Skráin leygardagin hevur sum yvirskrift »Nátt og vindur celloin einsamøll«. Á skránni eru eitt stykki av Bach og annar verk av tónasmiðum frá 20. árhundraðinum.
