H.K.T. Christian, prinsur, fylti 18 ár sunnudagin, 15. oktober.
Í hesum sambandi hava løgmaður og løgtingsforkvinnan sent honum føðingardagsheilsan vegna Føroyar.
Føðingardagsheilsanin til Christian, prins, innibar eisini eina serstaka føðingardagsgávu.
Gávan er ein túrur út í Stakkin í Tjørnuvík, har Christian fær møguleika at uppliva stórfingnu náttúruna, umframt at síggja Christiansstovu.
Christiansstova er eitt lítið hús á Stakkinum.
Húsið fekk navnið Christiansstova til heiðurs fyri Christiani, prinsi, tá krúnprinsahjúnini vitjaðu Stakkin í 2018.
Túrurin út í Stakkin verður skipaður saman við kongshúsinum, tá umstøðurnar loyva tí.
