Chelsea leikti mánakvøldið á útivølli ímóti West Ham, og oddaliðið vann 3-1. Frank Lampard legði Chelsea framum fyri steðgin, tá hann skoraði ímóti sínum fyrrverandi felag.
West Ham megnaði tó at skapa spenning aftur, tá Marlon Harewodd javnaði fyri heimaliðið. Í seinna hálvleiki setti Chelsea seg tó á dystin og við málum frá Hernan Crespo og Didier Drogba tryggjaði oddaliðið sær trý stig. Talan var um áttandi Premier League sigurin á rað hjá meistarunum.
