Forsetin í Venesuela, Hugo Chavez, er komin heimaftur, eftir at hann hevur verið í Kuba og fingið viðgerð fyri krabbamein. Chavez segði í gjár, at viðgerðin hevur gingið væl, og tíðindastovurnar skriva, at hann sang fyri tíðindafólkunum, sum tóku ímóti honum.
Tað var í fjør, at læknarnir í Venesuela staðfestu, at Hugo Chavez hevði krabbamein, og síðani hevur hann verið nakrar ferðir í Kuba og fingið hjálp frá læknum har. Sjúkan hevur elvt til eina ávísa óvissu um ta politisku støðuna, men Chavez hevur sagt, at hann fer at stilla uppaftur, tá forsetaval verður í oktober.
