Tað gongur væl hjá Carlsberg í Russlandi. Felagið hevði í fjør eitt yvirskot upp á 1,9 milliardir krónur bara í Russlandi. Til samanberingar hevði felagið eitt hall í Danmark upp á 300 milliónir krónur.
Heldur verri gongur, um vit hyggja eftir staðseting á listanum við virkjum við virksemi ella sum áður hava havt virksemi í Russlandi.
Tað skrivar danska blaðið B.T.
Yale University hevur gjørt listan, sum eitt størri lið av serfrøðingum við støði í fíggjarligari greinin, búskapi, roknskapi, strategi, stýring og geopolitikki, sum halda vakið eyga við øllum virkjum, sum hava rikið ella reka virksemi í Russlandi.
Og her fellur hamarin fyri Carlsberg, sum fær átekning fyri at vera ov drálandi og keypa sær tíð at koma út úr Russlandi.
Carlsberg boðaði í fjør frá, at tey fóru úr Russlandi og fóru at selja virksemið í Russlandi. Men nú næstan eitt ár seinni er Carlsberg framvegis í Russlandi.
Byggivirkið fær eitt D á karakterlistanum hjá Yale, sum er sami karakterur, sum Ecco og Rockwool hava fingið. Carlsberg hevði áður eitt A, sum merkir, at tey eru farin langt niður á listanum.
Carlsberg roynir tó enn at sleppa burtur úr sínum virksemi í Russlandi.
##med2##
– Eg vil fegin gera greitt, at vit fara úr Russlandi. Punktum. Men tilgongdin er trupul, tá tú ert eitt so stórt virki sum Carlsberg í Russlandi við átta bryggjaríum og 8400 starvsfólkum. So tað tekur tíð, sum eisini sæst aftur í nýggju staðsetingini á listanum hjá Yale, sigur alheims samskiftisstjórin hjá Carlsberg, Tanja Frederiksen, við B.T.
Allur listin kann síggjast her her.
