Sunnumorgunin byrjar drúgva ferðin hjá Livari Nysted og hinum báðum rógvarunum, Max og Stewart, úr Australia til Mauritius.
Umvegis heimasíðuna hjá Livari verður nú boðað frá, at bæði manning og báturin Rio eru til reiðar at byrja fráferðina sunnumorgunin klokkan 07.00 lokala tíð.
Teinurin, teir skulu rógva um Indiska Hav, er 6.500 kilometrar.
Á myndini sæst báturin RIO, ið er 29 føtur (8,8 metrar) langur, og sum nú er til reiðar til ferðina, sum væntandi fer at taka í tveir til tríggjar mánaðir.
Tað ber til at fylgja við ferðini hjá Livari á heimasíðuni Trip.fo
