TRÝST á PÍLIN undir MYNDINI, og hoyr eina upptaktssamrøðu, sum er gjørd við Sjúrð Olsen hjá Bygma Balslev í samband við finaluna í firmakappingini - spurnarkappingini - hjá Rás2, sum verður fríggjadagin 29. apríl klokkan 15.30. Finalan verður millum Bygma Balslev og Svend Krosstein.
Bygma Balslev hevur vunnið nakrar tættar uppgerðir í kappingini higartil, har tað hevur koppað til teirra fyrimun í seinastu løtu.
Sjúrður Olsen vónar, at tað aftur verður talan um eina spennandi kapping, har tað koppar til tey. Handilin má passast, og tí kunnu ikki øll fara burtur frá at kappast, men tað verður eitt væl mannað lið, sum finnur saman at kappast klokkan 15.30 í dag.
