Í minsta lagi 22 fólk doyðu í dag, tá ein bussur við pílagrímum koyrdi út av vegnum í norðrara parti av India og endaði í eini gjógv, upplýsir løgreglan.
30 fólk vóru í bussinum, tá vanlukkan hendi í Yamunotri í Himalaya-landspartinum Uttarakhand.
– Tey særdu eru í skundi koyrd á nærmastu heilsustøð, upplýsir talsmaður fyri løgregluna á staðnum.
Í náttúruvakra Uttarakhand eru nøkur av mest heilagu hindutemplum. Milliónir av pílagríum vitja har í hvørjum ári.
Men vegirnir í fjallaríka landspartinum eru í sera ringum standi og beinleiðis vandamiklir.
Næstan 150.000 fólk doyggja hvørt ár í ferðsluni í India.
Orsøkin til tey nógvu deyðu í ferðsluni er millum annað fer, og at nógv fólk ikki nýta trygdarbelti.
/ritzau/AFP
