Barack Obama avdúkar hættir hjá Bush, at pína fangar í eitt nú Guantanamo og øðrum CIA fongslum Í einum stongdum rúmi fylt við túsundtals smákyktum, ið fangarnir høvdu fobi fyri. Vatntortur, ið gav eina kenslu av at kvalast, og eitt tól, ið knústi fangarnir inn í ein vegg.
Hesar hættir vóru nýttir av amerikonskum agentum, við vælsignilsi frá forsetanum Georg Bush, sum hættir at tvinga upplýsingar frá fangum á eitt nú Guantanamo og øðrum loyniligum CIA fongslum kring heimin.
Hetta stendur í skjølum, ið Barack Obama í dag hevur almannakunngjørt. Barack Obama upplýsir millum annað, hvussu tann táverandi CIA stjórin John Rizzo 1. august í 2002, fekk grønt ljós at nýta tíggju ymsar pínu hættir. Sambært skjølunum vóru í øllum førum 14 fangar offur fyri torturhættunum.
Obama hevur sett forboð ímóti nýtslu av hesum hættum, ið hann metir verða ómenniskjaligir, men hann staðfestir samstundis, at hann ikki hevur ætlanir um at reisa ákærur ímóti teimum monnum, ið nýttu hesar hættir mótvegis fangunum.
- Tíðin er komin til at eftirmeta, ikki at søkja hevnd. Hetta er talan um fólk, sum í góðari trúgv lýddi boðunum frá tí hægsta myndugleikanum, og tað er týdningarmikið at staðfesta, at tey ikki verða revsaði, sigur Barack Omaba
