Í minsta lagi trý fólk doyðu, og fleiri vórðu særd, tá ein bumba brast beint við amerikonsku sendistovuna í turkiska høvuðsstaðnum, Ankara, um middagsleitið. Sambært fronsku tíðiondastovuni vóru tað tveir vaktarmenn, sum doyðu.
Turkiska løgreglan sigur, at tað var helst ein sjálvmorðsbumbumaður, sum sprongdi bumbuna og seg sjálvan í luftina, tí løgreglan hevur funnið likamslutir á staðnum.
Turkiskir fjølmiðlar skriva, at myndugleikarnir bera ótta fyri fleiri slíkum atsóknum.
