Tað eru av sonnum mong, ið súkkla í hesum døgum; Team Rynkeby venur, og so er eisini útivika, men Bubu súkklar eisini.
Súkkla nú, kallast nýtt lag
Í gjár kom Klovnurin Bubu við nýggjum videolag, ið nevnist
Súkkla nú. Lagið er lætt og summarkent, men hevur eisini árstíðirnar,
hugnan og trygdina við, tí tað snýr seg um at súkkla. Videolagið er
upptikið í Klaksik, og eisini er onkur mynd tikin á Fredriksberg, har
kendi danski barnaundirhaldarin Sigurd Barrett hevur fingið Bubu upp á súkkluna.
Tað er Eyðbjørn Jacobsen, ið hevur gjørt orð og lag. Símun Dam,
frá Simda Studio hevur staðið fyri upptøkunum og One One Films hevur filmað. Høvuðsleiklutin í videolagnum hevur Klovnurin Bubu.
Súkkla nú sæst her : https://www.youtube.com/watch?v=XPbvEuze7Rg
