Vendsyssel FF, sum hevur fýra føroyskar leikarar í hópinum, líktist í vetur einum greiðum uppflytara til donsku Superliguna. Men eftir eina heldur keðilig byrjan í vár, tykist uppflytingin so gott sum horvin.
Hetta viðførdi í seinastu viku at felagið steðgaði samstarvinum við venjaranum, Ove Christensen í seinastu viku.
Í samrøðu við nordjyske.dk, sigur ítróttarstjórin, Jacob Kruger, at felagið nú leitar eftir nýggjum venjara, og at felagið fer at trappa niður fíggjarliga til komandi kappingarár.
- Vit valdu at satsa í vetur fyri at tryggja okkum uppflytingina. Tað sær út til at kiksa, og tí fellur budgettið til komandi kappingarár aftur á eitt meira vanligt støðið. Men allíkavæl eru tað ikki milliónupphæddir og eitt stórt budgett, sum eru á muni.
Ítróttarstjórin Jacob Kruger er nýggjur høvuðsvenjari í felagnum, meðan Ole Søndergaard verður hjálparvenjari hjá honum. Og afturat teimum er fyrrverandi HB Køge venjarin, Henrik Pedersen, eisini knýttur at. Henrik Pedersen hevur áður verið knýttur at Red Bull Salzburg í Eysturríki.
Teir fýra føroysku leikararnir í Vendsyssel FF eru Hallur Hansson, Brandur Hendriksson Olsen, René Shaki Joensen og Meinhard Olsen.
