Felags fyri B36 og NSÍ er, at tey seinastu árini oftast hava verið við til at umboða føroyskan fótbólt í europeisku kappingunum. Felags fyri bæði liðini er eisini, at tey framvegis hava møguleika at røkka bronsuplássinum, hóast gongdin fyrr í ár ikki altíð var so sannførandi. Møguleikin er ikki minni, eftir at EB/Streymur í gjár ikki megnaði at vinna fulla úrtøku í Klaksvík.
Ídag hittast NSÍ og B36 við Løkin í Runavík. Tá ið tey dystaðust á sama stað í 5. umfari vannn NSÍ 1-0, og tá ið tey 22. juni hittust í Gundadali vann B36 3-1.
B36 er á fjórða plássi við 37 stigum, og NSÍ er á fimta plássi við 36 stigum.
Hjá B36 er vongverjin í vinstru Símun Joensen framvegis plágaður av skaða í stórutá. Lukasz Cieslewicz sá gult fyri fimtu ferð í ár, tá ið B36 síðsta fríggjakvøld vann 2-1 á KÍ í Gundadali. Tískil er hann leikbannaður hesa ferð.
Hjá NSÍ er miðvallarin Karl Løkin leikbannaður. Tá ið NSÍ síðsta sunnudag vann sannførandi 5-1 sigur á útivølli ímóti TB, sá Karl gula kortið fyri fimtu ferð, og tað ber leikbann við sær.
NSÍ-B36: Páll Augustinussen í dag klokkan 15.00.
