Hægstirættur staðfesti í dag, at fyrrverandi borgarstjórin í danska býnum Farum, Peter Brixtofte, skal sita í fongsli í tvey ár fyri grovt mandatsvik Hægstirættur staðfesti sostatt dómin, sum Peter Brixtofte fekk í býarrættinum og eystara landsrætti.
Peter Brixtofte sigur, dómurin er ikki rættvísur, og at hann og verji hansara umhugsa at fara til mannarættindadómstólin í Strasbourg við málinum.
Úrskurðurin hjá hægstarætti ber væntandi í sær, at Peter Brixtofte missir sætið í býráðnum í Furesø kommunu, sum Farum nú er partur av, og at hann missir rættin til at stilla uppaftur.
