Í dag hevur Roskilde Festivalurin kunngjørt 38 nýggj nøvn, sum skulu spæla á festivalinum í summar.
Teirra millum er føroyska Brimheim (Helena Heinesen Rebensdorff).
– ROSKILDE!!! skrivar hon á Facebook.
Hon spældi eisini á Roskilde Festivalinum í fjør. Tá spældi hon á Rising-pallinum, sum er ein pallur fyri tónleikaspírar. Hvørjum palli hon skal spæla á í ár, er ikki kunngjørt.
Umframt Brimheim verða onnur nøvn at hoyra sum eitt nú Lil Nas X, Blur og Queens of the Stone Age.
