Hálvfinalurnar og finalan í steypakappingini í bridge vóru leiktar í Bridgehúsinum í Gundadali leygardagin 11. apríl 2026.
Manningarnar á teimum 4 liðunum, ið høvdu spælt seg á hálvfinalurnar, vóru hesar:
Jassarnir:
(Leivur Mohr, Jákup Sørensen, Heini Joensen, Viggo Johannesen)
Magni Jøkladal:
(Magni Jøkladal, Bogi Simonsen, Símun Lassaberg, Árni M. Dam)
Byggitilfar:
(Dánjal Pauli Mohr, Arne Mikkelsen, Per Kallsberg, Bjarki Ellefsen, Jóannes Mouritsen)
Birita Clementsen:
(Birita Clementsen, Marian V. Hansen, Arnbjørn Sivertsen, Jákup Hjaltalin, Anna Olsen, Eva Sarita Berg)
Lutakastið háttaði seg soleiðis, at í aðrari hálvfinaluni møttust liðini hjá Magna Jøkladal og Biritu Clementsen, meðan liðini hjá Byggitilfar og Jassunum møttust í hinari hálvfinaluni.
Tá farið var til hálvleiks í hálvfinalunum hevði liðið hjá Magna Jøkladal vunnið sær leiðsluna móti liðnum hjá Biritu Clementsen, meðan liðið hjá Byggitilfar var lutfallsaliga greitt omaná móti Jassunum.
Hóast tað leikaði javnari á í seinna hálvleiki vann liðið hjá Magna Jøkladal ein lutfallsliga greiðan sigur á liðnum hjá Biritu Clementsen (16,53 móti 3,47). Í dystinum millum Jassarnar og Byggitilfar endaði seinni hálkvleikur javnur, og gjørdist endaliga úrslitið sostatt at liðið hjá Byggitilfar vann dystin (19,29 móti 0,71). Harvið tryggjaðu liðini hjá Magna Jøkladal og Byggitilfar sær finaluplássini.
Eftir loknar hálvfinalur varð klárt at fara undir sjálva steypafinaluna. Í finaluni hittust sum nevnt liðini hjá Byggitilfar og Magna Jøkladal. Liðið hjá Byggitilfar byrjaði finaluna væl, og tá komið var til hálvleik høvdu teir vunnið sær eina lutfallsliga greiða leiðslu. Í seinna hálvleiki leikaði javnt á, og tískil vann liðið hjá Byggitilfar ein rímiliga tryggan finalusigur við úrslitinum (17,21 móti 2,79). Sostatt gjørdist liðið hjá Byggitilfar steypavinnarar 2026.
Vinarliga
FBS
