Spenningurin er í hásæti undan lutakastinum til undankappingina til HM í fótbólti, sum verður leikt í Russlandi í 2018. Ein av tungvektarunum í miðlaheiminum, BBC, hevur givið sítt boð uppá, hvørji dreymabólkarnir hjá ávíkavist Onglandi, Wales, Skotlandi og Norðurírlandi eru.
Og sigast má, at BBC veruliga hevur lagt til merkis, at Føroyar er komið upp í 4. seedningslag á fyrsta sinni, tí at hjá heili trý av teimum fýra bretsku londunum eru Føroyar við í dreymabólkinum. Sambært BBC er tað ein ynskistøða hjá Onglandi, Wales og Norðurírlandi at spæla ímóti okkum, meðan Føroyar ikki eru at finna í einum møguligum dreymalutakasti hjá Skotlandi, sum vit áður hava fingið góð úrslit ímóti.
Lutakastið til undankappingina byrjar klokkan 16 í morgin.
