Umleið tríggjar milliónir útlendsk ferðafólk vóru í fjør í Noregi og vitjaðu, og tað var trý prosent fleiri enn árið fyri. Eins og onnur ár vóru sviar, týskarar og danir best umboðaðir millum fremmandu ferðafólkini. Kortini minkaði talið á dønum fýra prosent, meðan týskararnir vóru átta prosent færri í tali. Harafturímóti hava bretar eftir øllum at døma fingið sær Noreg sum ferðamál. Í fjør vóru 240.000 bretsk ferðafólk í Noregi, og tað var heili 19 prosent fleiri enn í 2005. Meðan danir og týskarar sviku Noreg, sviku norðmenn ikki Danmark og Týskland. Norsku gistingarnar í Týsklandi vóru heili 10 prosent fleiri í fjør enn í 2005, og í Danmark var vøksturin fýra prosent, skrivar Transportøkonomisk Instutut.
