Norski yvirgangsmaðurin Anders Behring Breivik hevði enn eina bumbu heima á garði sínum í Rena, sigur kringvarpið NRK og endurgevur keldur í norsku verjuni.
Bumban, sum var klár, var næstan 1.000 kilo og størri enn tann bumban, sum Breivik brúkti í Oslo tann 22. juli. Tann bumban var sambært serfrøðingunum umleið 950 kilo.
Bumban, sum Anders Behring Breivik sprongdi í Oslo, kravdi átta mannalív. Aftaná myrdi Breivik 69 fólk á Urøya.
