Liðið hjá Patriki Johannesen spældi í kvøld grannadyst móti HK í Kórinn høllini í Kópavogi í bestu íslendsku fótbóltsdeildini.
Patrik var ikki í hópinum í kvøld, men Daniel Obbekjær sum var 07 Vestur góður í fjør slapp á vøllin longu í 32. minutti fyri ein skaddan Viktor Margeirsson.
Ein kelda hjá in.fo, ið fylgir íslendskum fótbólti tætt heldur, at Patrik var helst spardur fyri torføra graslíkisundirlagið í Kórinn høllini, nú hann hevur verið uttanfyri við skaða í longri tíð undan hesum kappingarárinum.
Breiðablik vann dystin 2-0 við málum Jason Daði Svanþórsson og Ísak Snær Þorvaldsson skutu.
Breiðablik er á øðrum plássinum við 22 stigum, bert trý stig aftanfyri oddaliðið, Víkingur Reykjavík sum er liðið hjá Gunnari Vatnhamar.
Støðan:
| Nr | Lið: | Dystir | U | J | T | Mál | +/- | Stig |
| 1 | Víkingur Reykjavík | 10 | 8 | 1 | 1 | 25:10 | 15 | 25 |
| 2 | Breiðablik | 10 | 7 | 1 | 2 | 24:12 | 12 | 22 |
| 3 | Valur | 9 | 5 | 3 | 1 | 18:9 | 9 | 18 |
| 4 | FH | 9 | 4 | 2 | 3 | 16:16 | 0 | 14 |
| 5 | ÍA | 9 | 4 | 1 | 4 | 18:13 | 5 | 13 |
| 6 | Fram | 9 | 3 | 4 | 2 | 12:12 | 0 | 13 |
| 7 | Stjarnan | 10 | 4 | 1 | 5 | 17:18 | -1 | 13 |
| 8 | KR | 8 | 3 | 2 | 3 | 15:14 | 1 | 11 |
| 9 | Vestri | 9 | 3 | 1 | 5 | 11:20 | -9 | 10 |
| 10 | HK | 9 | 2 | 1 | 6 | 8:17 | -9 | 7 |
| 11 | KA | 9 | 1 | 2 | 6 | 13:23 | -10 | 5 |
| 12 | Fylkir | 9 | 1 | 1 | 7 | 12:25 | -13 | 4 |
