Eitt føroyingalið var í leiki í næstbestu donsku hondbóltsdeildini í kvøld.
Brandur Halgirsson og liðfelagarnir í Ajax tóku móti Otterup á heimavølli í kvøld.
Ólukkutíð tapti Ajax 24-25. Otterup skoraði sigursmálið tá níggju sekund vóru eftir av dystinum.
Ajax var á odda 11-9 í steðginum. Tá 47 minuttir vóru leiktir var Ajax á odda 20-17. Fýra minuttir seinni var Otterup á odda 21-20.
Brandur var ikki millum málskjúttarnar hjá Ajax í kvøld.
Ajax er nummar seks í deildini við 19 stigum. Seks stig eru niður til beinleiðis niðurflyting har Roskilde hevur 13 stig á triðaftasta plássinum.
Komandi fríggjakvøld klokkan 18 verður føroyingauppgerð millum liðið hjá Leivi Mortensen, Odder og Ajax.
