Í farnu viku boðaðu Annika Olsen, borgarstjóri, og Gunvør Balle, varaborgarstjóri, Havnar Svimjifelag og Svimjisambandi Føroya, at langhylurin í Havn verður útsettur og í fyrsta lagi verður liðugur móti ársenda 2021.
Heðin Mortensen, býráðslimur fyri Javnaðarflokkin vísir tí á, at Tórshavnar býráð hevur tvær ferðir, bæði í undanfarna og í núverandi skeiði, samtykt, at langhylurin skal gerast, og at peningur er settur av til arbeiðið.
–Borgarstjórin og varaborgarstjórin virða ikki gjørdar samtyktir í Tórshavnar Býráð - bæði av undanfarna býráð men eisini hesum býráðnum, sigur Heðin Mortensen við Árna Gregersen í tíðindunum á Rás2 í kvøld.
–Tað er stórur tørvur á langhylinum. Tað er sera tronkt í høllini, og tað eru ikki umstøður til almenningin ella til kappsvimjing, sigur hann framhaldandi.
Trýst á pílin undir myndini fyri at hoyra samrøðuna
