Eg havi valt at stilla upp til kommunuvalið í Tórshavnar Kommunu tann 10.november fyri lista A.
Stórur tørvur er á valevnum, sum í verki tora at virka fyri borgarligum virðum, hugsjónum og ætlanum, sum byggja á ein skilagóðan fíggjarpolitikk.
Aðalmálið má altíð verða at tæna øllum borgarum og vinnulívið í kommununi á besta hátt. Tað er grundarlagið fyri einum framhaldandi trivnaði og vøkstri í Tórshavnar Kommunu.
Ein atkvøða til mín tryggjar at borgarliga kumpassin verður rættað og nýggj kós sett. Eisini fær listi A eina framburðsinnaða og klára rødd í býráðnum í Havn næstu 4 árini.
Míni hjartamál eru annars hesi:
- Munandi fleiri kommunal grundstykkir til borgarar og vinnuna.
- Parkeringsviðurskifti í miðbýnum skulu loysast skjótast møguligt.
- Eldraøkið skal hava hægri normering og játtan.
- Nýggj stórhøll skal byggjast við Stórutjørn til hondbolt, frælsan ítrótt, spæliland v.m.
- Bústaðarætlanirnar við Stórutjørn skulu fara í gongd sum skjótast
- Kollafjørður, Kaldbak og Velbastað skulu hava munandi hægri raðfesting við ítøkilgum íløgum.
- Bacalao bygningurin eigur at takast niður og økið bjóðast út til fiskaframleiðslu/góðsking.
- Fyrireikingar eiga at gerðast til nýggjan flogvøll á Glyvursnesi.
Birgir Nielsen
Valevni á lista A til býráðsvalið í Tórshavnar Kommunu
