Nes kommuna bjóðar nú til borgarafund í nýggja Undirhúsinum á Toftum mánakvøldið hin 12. januar klokkan 19.30.
Á skránni verður ferðavinnuætlanin fyri kommununa, sum ein bólkur í kommununi hevur gjørt.
- Á borgarafundinum verður uppskotið lagt fram, og høvið verður at seta spurningar og gera viðmerkingar, siga tey í Nes kommunu í dag.
Høvi verður eisini til kaffi og prát.
- Kommunan hevur latið gera uppskot til eina ferðavinnuætlan, men tað er umráðandi, at allir borgarar hava høvi at gera viðmerkingar og gera sína ávirkan galdandi.
Í Nes kommunu siga tey, at borgarafundurin er ætlaður øllum borgarum í kommununi, sum eisini eru hjartaliga vælkomnir á fundin mánakvøldið hin 12. januar.
