Fríggjakvøldið hevur Borealis Band frumframførslu í Norðurlandahúsinum.
Endamálið við verkætlanini Borealis Band er at sameina 9 tónleikaúrmælingar í aldursbólkinum 20-30 ár undir leiðslu av íslendska Samuel Jón Samúelsson.
Orkestrið er mannað við 3 tónleikarum frá Føroyum, Íslandi og Grønlandi. Orkestrið hevur í løtuni eitt slag av venjingarlegu í Norðurlandahúsinum. Tónleikastílurin er ein blanding ymiskum tónleikastílum m.a. rock, folk, reggea, jazz, fusjón, stórbandstónleikum við íblástri frá siðbundnum tónleiki úr útnorði.
Borealis Band hava í fyrsta umfarið 4 konsertir í Tórshavn, Keypmannahavn, Nuuk og Reykjavik.
Úr Føroym koma Ernst Remmel, Guðrið Hansdóttir og Mattias Kapnas, sum øll trý eru kend á føroyska tónleikapallinum. Eisini eru tað fleiri ið kennast við Samuel Jón Samúelsson, sum m.a. er kendur frá Retro Stefsson.
Konsertin verður fríggjakvøldið 24. Apríl, kl. 19.30.
Manningin í Borealis eru:
Ísland
Samúel Jón Samúelsson - orkestur og tónlistaleiðari og spælur trombon
Unnstein Manuel Stefánsson – sang, gittar
Ingibjörg Elsa Turchi - bass
Grønland
Thelma Lyberth – sang, gittar o.a.
Jonas Nilsson– slagverk
Pauline Christiansen – trompet o.a
Føroyar
Guðríð Hansdóttir – sang, gittar o.a.
Mattias Kapnas – tangentar
Ernst Remmel – trompet o.a.
