Tiltakið, sum Kristnastova skipar fyri í Føroyahúsinum, og sum Lívdin
skipar fyri í Oasuni er um HIV/AIDS-rakt í Afrika - hvussu støðan er, og
hvussu vit kunnu hjálpa. Ein samrøðu, sum amerikanski samkomuleiðarin Bill Hybels hevur gjørt við
Bono, forsangara í kenda rokkbólkinum U2 verður sýnd. Í samrøðuni
greiðir Bono frá síni áskoðan á HIV/AIDS og fátækdømi í Afrika, og
hvussu hesi hava hjálp fyri neyðini. Samrøðan verður víst á stórskíggja.
Umframt samrøðuna fer Petur Háberg at framføra ein sang í Føroyahúsinum,
sum hann hevur gjørt til endamálið. í Oasuni skipar Lívdin eisini fyri
góðum sangi.
Umframt hettar verður ein stutt framløga um átakið.
Í samband vid tiltakið verður møguleiki at lata eina gávu til
hjálpararbeiði millum AIDS-rakt í Afrika.
Tú kanska hugsar, hvussu lítlan mun hetta ger í einum heimsparti við so
nógvum raktum av HIV/AIDS og fátækdømi. Men fyri 15 dollarar kann eitt
fólk fáa heilivág fyri AIDS í eitt ár. Og hettar konkreta átakið fíggjar
eitt barnadagtilhald í heitt heilt ár.
Savnaði peningurin verður sendur víðari til Samaritan?s Purse, um fer at
nýta peningin til hjálpararbeiði millum AIDS-rakt í Afrika. Viðmerkjast
skal eisini, at 10% av innsavnaða peninginum fer til Samaritan´s Purse.
