Ein BMW koyrdi tilætlað á franskar hermenn í morgun, sigur boragarstjórin í Paris-forstaðum,
Franskir hermenn eru raktir av einum bili, einum BMW, í parísforstaðnum, Levallois-Perret.
Tað skrivar fleiri miðlar.
Uttan iva var talan um eina tilætlaða gerð, sigur borgarstjóri Patrick Balkany.
– Tað er eitt andstyggiligt álop, sigur hann við fronsku sjónvarpsstøðina BFM TV sambært Reuters tíðindastovuni.
Bilførarin flýddi, og løgreglan leitar eftir bilinum.
Seks hermenn hava fingið skaða í samanstoytinum, sum hendi klokkan 7:15 í morgun okkara tíð.
Av teimum eru fýra lættari særdir og tveir álvarsliga særdir, siga fleiri miðlar.
Franska sjónvarpsstøðin BMF TV skrivar, at tað var ein maður í einum bili, sum koyrdi á hermenninar í forstaðnum, sum er í ein útnyrðing úr París. Hermenninir eru úr einum trygdarliði, sum varð sett á stovn eftir islamska yvirgangsálpið í 2015, skrivar AP.
Enn vita tey einki um motivið.
Frankaríki er hart rakt av fleiri álopum seinnu árini, eitt nú í Nice í 2016, har ein maður í lastbili drap 85 fólk í franska býnum.
/ritzau/
