G! avdúkar nýggj nøvn alla vikuna, og millum bólkarnir, ið vóru kunngjørdir í dag eru Bloodgroup og Fjallabræður. Á heysti í 2007 gav Bloodgroup út debutfløguna, Sticky Situation, sum av
fleiri ummælarum bleiv bólkað millum bestu útgávurnar tað árið
Bloddgroup hava seinasta árið framført á einum endaleysum lista av
festivalum kring heimin, millum annað Roskilde í Danmark, Popkomm í Týsklandi,
Eurosonic í Hollandi, By:Larm í Noregi, Great Escape í Bretlandi,
Iceland Airwaves í Íslandi, og nú í vár gongur leiðin SXSW í Texas USA, og í summar framførur bókurin til ársins G! Festival.
Bloodgroup byrjaði á einum køldum vetrardegi í Íslandi í 2006, tá
systkinini Halez (synth), Lilja (vokal) og Raggi (synth, trummur) settu
seg saman við føroyska Janus (vokal, synth, elektro trummur) at skriva
elektroniskan popp. Eftir nakrar mánaðir við sangskriving og venjing,
framførdu tey eitt fangandi og orkuríkt show á Iceland Airwaves og vórðu
við eitt hátíðarhildin sum eitt hitt mest spennandi nýggja navnið í
Íslandi. Seinni fingu tey tveir limir afturat, DJ Benni B-Ruff
(plátuspælarar, elektro trummur) og Styrmir (sampling), sum hava givið
enn meira av sprutli til yvirkókandi grýtuna.
Fjallabræður á G!
Fjallabræður merkir á føroyskum Fjallabrøður.
Fjallabrøður er eitt rock-kór mannað við fjallalendingum av vesturfirðunum, mest bygdini Flateyri í Íslandi.
Fyriskipararnir av G! 2009 siga, at meira verður at frætta um Fjallabræður seinni.
