Í gjárkvøldið spældu Black Sabbath síðstu konsertina í røðini á The End Tour. Talan var um ta seinnu av tveimum útseldum arena konsertum í Birmingham.
Tað var eisini har, bólkurin byrjaði slóðbrótandi leiðina í 1968.
Men nú er liðugt. Og kendi frontmaðurin og sangarin Ozzy Osbourne segði: - takk, góða nátt, takk mangar ferðir.
Black Sabbath endaði við lagnum Paranoid.
The End ferðin taldi 81 konsertir. Guitarleikarin Tony Iommi varð í fjør grøddur fyri krabba, men sigst sjúkralega hansara hava gjørt sítt til, at bólkurin gevst.
Ozzy, ið er 68 ár, sigur seg halda fram við solo yrkisleið síni.
