Talan eru um fýra ymisk leigumál, sum nú verða savnað á einum staði.
Bygningurin á Heiðavegi er 810 fermetrar í trimum hæddum og stendur við høvuðsvegin í Saltangará.
Blái Krossur hevur havt bæði endurnýtslu, blákrossbúð og skrivstovuhøli í Saltangará. Alt hetta virksemi verður nú savnað í nýggja bygniginum. Harumfram verður eisini eitt samtalurúm til fyribyrgingarøkið.
Fyri at kunna lyfta hesa stóru uppgávu hevur Blái Krossur Føroya millum annað fingið góðan stuðul frá Betri Stuðulsgrunninum á 700.000 krónur umframt stuðul frá privatum.
Felagsskapurin hevur eisini selt fasta ogn í Tórshavn, sum partvís gongur inn í keypið. Hetta inniber, at Blái Krossur Føroya framyvir fer at gjalda minni í høliskostnaði, enn vit gera í dag.
Ætlanin er, at bygningurin verður tikin í nýtslu í mars 2020, sigur Dakko Petersen, aðalskrivari við heimasíðuna hjá Bláa Krossi.
