Ikki færri enn 90 gestir hava yvirnáttað á Hotel Skálavík um vikuskiftið.
Í gjárkvøldið, tá landsdystur var á Tórsvølli millum Føroyar og Grikkaland, syrgdi Svein í Heiðunum, stjóri á Hotel Skálavík fyri, at allir gestirnir fingu høvi at síggja landsdystin á stórskíggja.
Eftir landsdystin, har Brandur H. Olsen skeyt avgerandi sigursmálið, bjóðaði stjórin ein umgang til allar gestirnar.
- Tað var ein sera hugnalig løta at síggja landsdystin á stórskíggja, har ungi og evnaríki skálvíkingurin hevði ein so týðandi leiklut - og síðan at fáa ein "umgang" frá stjóranum, tá stigini móti Grikkalandi vóru komin í hús.
Tað siga fólk við in.fo, sum vóru á Hotel Skálavík í gjárkvøldið.
