Føroyingauppgerð var í næstbestu norsku fótbóltsdeildini í kvøld.
Meinhard E. Olsen og liðfelagarnir í Mjøndalen tóku ímóti Fredrikstad, ið hevði Jóannes Bjartalíð í hópinum, og sum hevur Mikkjal Thomassen sum høvuðsvenjara.
Fredrikstad vann dystin 1-0. Sigursmálskjútti hjá Fredrikstad gjørdist Mads Nielsen tá 73 minuttir vóru leiktir av dystinum.
Jóannes Bjartalíð slapp á vøllin fyri Fredrikstad tá 69 minuttir vóru farnir av dystinum, og fekk sostatt sína debut í næstbestu norsku fótbóltsdeildini.
Fredrikstad er triðfremst við sjey stigum. Ranheim er fremst í deildini við níggju stigum.
Mjøndalen er triðaftast í deildini við einum stigi.
Komandi sunnudag verður aftur føroyingauppgerð í deildini, tá Fredrikstad tekur móti Gullbrandi Øregaard og liðfeløgunum í Sandnes ULF.
Komandi leygardag tekur Mjøndalen móti Kristiansund á heimavølli.
