TRÝST á PÍLIN á MYNDINI, og síggj málini í dystinum millum Brabrand og Fremad Amager í triðbestu fótbóltsdeildini í Danmark, sum endaði 1-1. Dysturin var leiktur ígjár.
Heini Vatnsdal og Finnur Justinussen byrjaðu inni fyri Fremad Amager. Christian Lamhauge Holst kom inn í seinna hálvleiki.
Tað sá svart út hjá Fremad Amager, sum var aftanfyri 0-1 við einum ógvuliga ivasomum brotssparki, men í tíðini dómarin hevði lagt aftrat eydnaðist tað føroyingafelagnum at javna til 1-1, og ogna sær eitt týdningarmikið stig í uppflytingarstríðnum í triðbestu donsku fótbóltsdeildini.
Fremad Amager er nummar tvey í uppflytingarbólkinum við 31 stigum. AB er á odda við 37 stigum. Frem og Brønshøj hava 28 stig. Komandi sunnudag vitjar Brønshøj Fremad Amager.
Upptøkurnar eru frá YouTube rásini hjá Fremad Amager.
