Bjørn Kalsø spyr fyri 12 tingfólk

Hann trein inn á politiska pallan, tá Johan Dahl varð koyrdur frá sum landsstýrismaður ein februardag í 2004. Lærarin og timburmaðurin av Syðradali, Bjørn Kalsø. Hann hevur sitið átta ár í landsstýrinum, og verið valdur á ting tríggjar ferðir: Í 2008, í 2011 og í 2015.

Seinasta valskeið sat hann sum landsstýrismaður í mentamálum. Ivaleyst hevur hann havt úr at gera, og tað er kanska orsøkin til, at hann nú er farin at spyrja landsstýrisfólk um alt møguligt – spurningarnir til landsstýrisfólk spræna úr telduni hjá honum, hann spyr so nógv, at hann eigur 34 prosent av øllum grein 52 spurningunum, sum eru settir hesa tingsetuna.

Av teimum tilsamans 64 spurningunum, sum tingfólk hava sett landsstýrisfólki, eigur Bjørn Kalsø 22. Næstur honum er Kári P. Højgaard úr Nýggjum Sjálvstýri. Annika Olsen úr Fólkaflokkinum – og sum fyrru hálvu var uttanflokkatingkvinna – eigur sjey spurningar.

Yvirilitið yvir settu spurningarnar sær soleiðis út:

Spurningarnir, sum Bjørn Kalsø hevur sett landsstýrisfólk síðani løgtingsvalið 1. september í fjør eru hesir:

                             Landsstýrisfólk            Spurningur

Bjørn Kalsø: Henrik Old – Vegagerð í Kalsoynni

Bjørn Kalsø: Poul Michelsen – Rognkelsi

Bjørn Kalsø: Kristina Háfoss – Fíggjarstøðan

Bjørn Kalsø: Henrik Old – Vanlukkutryggingarlógin

Bjørn Kalsø: Høgni Hoydal – Tilbúgving

Bjørn Kalsø: Eyðgunn Samuelsen – Grundupphæddin til fólkapensjón

Bjørn Kalsø: Rigmor Dam – Um trygdarskeið (spurningurin er tikin aftur av spyrjaranum)

Bjørn Kalsø: Rigmor Dam – Kynsbýti og aldurssamanseting

Bjørn Kalsø: Henrik Old – Koyribreytin í Viðareiðistunlinum

Bjørn Kalsø: Høgni Hoydal – Kvotabýtið við Flemish Cap

Bjørn Kalsø: Rigmor Dam – Húsarhaldsskúli

Bjørn Kalsø: Sirið Stenberg – Dialysuviðgerð

Bjørn Kalsø: Henrik Old – Ferðasambandið í Kalsoynna

Bjørn Kalsø: Eyðgunn Samuelsen – Sparingar á pensjónsøkinum

Bjørn Kalsø: Høgni Hoydal  – Bjargingarfeløg

Bjørn Kalsø: Kristina Háfoss – Avgjaldshækkingar

Bjørn Kalsø: Poul Michelsen – Lúsateljingar á alilaksi

Bjørn Kalsø: Henrik Old – Koyribreytin á Viðareiði

Bjørn Kalsø: Kristina Háfoss – Lýsingar í útlendskum miðlum

Bjørn Kalsø: Kristina Háfoss – Hækkaði vektgjøld

Bjørn Kalsø: Kristina Háfoss – Hækkaði tinglýsingargjøld

Bjørn Kalsø: Aksel V. Johannesen – Um kostna av aðalstjórasetan

Bjørt Samuelsen: Høgni Hoydal – Greiðari reglur um javnseting av stuðli til landbúnaðin

Tilsamans hava 15 tingfólk sett spurningar. Av teimum eitt varafólk á tingið. Tað vil siga, at tað eru 19 tingfólk, sum ongan grein 52 spurning hava sett landsstýrisfólkum hetta valskeiðið. Av teimum 15 tingfólkunum eru fýra tingfólk úr samgonguni, sum hava sett spurningar til síni egnu landsstýrisfólk.

Verður Bjørn Kalsø líka íðin at spyrja næstu tríggjar tingseturnar, so kunnu vit vænta 66 grein 52 spurningar afturat til landsstýrisfólk frá honum.